Ki Sngi Ïew Khasi
Ka rukom kheiñ taïew jong ki Khasi ka ïapher na ka rukom jong ki phareng. Ka shi taïew ha ki Khasi ka dei phra sngi. Bad la kheiñ ïa ki sngi jong ka taïew da ki sngi ïew. Ki ïew ha Ri Khasi ki don man lah ki thaiñ, kata ki Ri Lum Pnar, Ri Lum Mihngi, Ri Bhoi bad Ri Lum Sepngi. Ka don ruh ka jingpynbeit ryntih ïa ki Ïew Heh da kaba shim na baroh ki thaiñ. Hangne ha rum ngan pyrshang ban buh ryntih ïa ki Sngi Ïew Khasi.
- Ki Sngi Ïew Heh
- Ïew Duh/Shillong
- Lyngka/Nongstoiñ
- Nongkrem/Pynursla
- Mawlong/Nongpoh
- Rynghep/Jowai/Ïawmusiang
- Shyllong/Mawkyrwat
- Pamtiah/Mawryngkneng
- Umni/Mairang Langstieh
- Ri Lum Mihngi
- Laban/Lyngkyrdem
- Tyrsad/Laitryngew
- Shella/Mawsmai
- Mawsynram/Lyngkhat
- Sohra/Lyngkyrdem
- Laitlyngkot
- Mawngap/Shella/Pynursla
- Lyngkhat/Smit
- Ri Lum Pnar
- Borkhat/Nongjngi
- Sutnga/Dawki
- Wahïajer/Rymbai
- Nartiang/Raliang
- Jowai/Musiang
- Ïewmuchai (Shangpung)/Dawki
- Mynso
- Muktapur
- Ri Bhoi
- Umshohphria
- Mawhati
- Umden
- Nongpoh
- Mawlasnai/Patharkhmah
- Umroi
- Tyrso
- Umsning
- Ri Lum Sepngi
- Rangblang/Maweit
- Nongstoiñ/Maroit
- Rambrai/Myrïaw
- Markasa/Ingding
- Nongum
- Mawkyrwat/Nongkhlaw
- Kynshi
- Langstieh/Umdohlun
Ha kitei ki jingkdew, ngi lah ban ïohi ba ha ka sngi Ïew Duh ka dei ruh ka sngi ïew Laban/Langkyrdem ha Ri Lum Mihngi, ne ka Borkhat/Nongjngi ha Ri Lum Pnar, Umshohphria ha Ri Bhoi bad Rangblang/Maweit ha Ri Lum Sepngi. Te ka jingkylli mynta ka long kumno ngin tip kum mynta ka sngi ka dei ka sngi ïew aiu?
Lada phi tip kawei ka sngi, phin suk ban tip ia kiwei de. Nuksa ha ka 1 tarik Kyllalyngkot 2022 ka dei ka sngi ïew heh Mawlong/Nongpoh. Ka 2 tarik kan dei ka sngi ïew heh Rynghep/Jowai/Ïawmusiang bad kumta ter ter.
Khnang ba kan suk ia phi ban tip mynta ka sngi dei sngi ïew aiu, nga la shna ka "digital calendar" ba phi lah ban thep (download) ha ki phone jong phi (Android/iPhone). Nga pyndonkam ia kata ka ics format, kaba dei ka format ba lah ban ithuh da ka Google Calendar/iCal kaba don ha ki phone jong phi. Phi lah ban download harum. Jied ia ka thaiñ aiu phi kwah sa download. Ïa kiba pyndonkam Android Phone sngewbha download da kito ba dei ha Google Calendar.
| ICS Format | Google Calendar |
|---|---|
| Ki Sngi Ïew Heh | Ki Sngi Ïew Heh |
| Ri Lum Mihngi | Ri Lum Mihngi |
| Ri Lum Pnar | Ri Lum Pnar |
| Ri Bhoi | Ri Bhoi |
| Ri Lum Sepngi | Ri Lum Sepngi |
Ki Hat
Ka don sa kawei pat ka rukom kheiñ taïew da kaba pyndonkam ïa ki Hat. Kane pat ka ïa syriem bad ka rukom kheiñ ha ka pyrthei salonsar kata hynñiew sngi ha ka shi taïew. Kat kum ka jingioh lum jingtip ki sngi ha ka taïew ki long kumne harum:
| Days of the Week | Ki Hat ha Ri Khasi | Ki Sngi ha Ri Khasi |
|---|---|---|
| Sunday | Robibar | Sngi U Blei |
| Monday | Hat Balat | Lah Sngi U Blei |
| Tuesday | Hat Majai | Hat Majai |
| Wednesday | Hat Khonjowai | Sngi Balang |
| Thursday | Hat Photkroh | Sngi Palei |
| Friday | Hat Byrni | Sngi Thohdieng |
| Saturday | Hat Tharia | Sngi Saitjaiñ |
Kitei ki sngi lah ban pyndonkam lang kum ki calendar ha ka pyrthei baroh kawei.
Ïa kine ki jingpynbeit Hat, la shim na ka calendar ba la pynmih da ka Seng Khasi Seng kmie.
Phi lah ban peit hangne ha rum ia ki sngi ïew heh ha Ri Khasi
